.Net & Delphi & Windows

Хөөрхий gogo -ыг муулаад байсан чинь харин нийтлэг блогийн roller суулгацан байсан байна ш дээ. Одоо бусад блогийн адил ашиглаж болох юм байна. 

http://www.finalsense.com/services/blog_templates/classics_templates.htm  хаягаар ороод Theme татаад суулгаарай. Би нэг ийм theme сонгосон байх жишээтэй.

Visual studio Code Snippet гэдэг нь энгийнээр тайлбарлавал кодын template юм. Та програм бичиж байхдаа түгээмэл хэрэглэгддэг кодоо snippet болгож хадгалаад хэрэгтэй гэсэн үедээ хялбархан оруулж ирээд ашигладаг түүл юм. Жишээлбэл програм бичиж байхад if, for, foreach, try зэрэг үйлдлийг их ашиглагддаг шүү дээ. Тэгвэл эдгээрийн snippet -ын тусламжтайгаар үндсэн бичиглэлийг нь хялбархан оруулж ирж ашиглаж болох боломжтой юм.

CTRL+K, CTRL +X товчны хослолоор snippet-ын жагсаалтыг нээж харна.

Tools цэсний Code Snippet Manager ээс та эдгээрийг зохицуулах боломжтой. Мөн та тусгай түүлийн тусламжтайгаар өөрөө код оруулж болно.

Яаж оруулах талаар эндээс үзнэ үү

Visual Studio 2008  -ын snippet editor -ыг эндээс татна уу

Бас нэг дажгүй editor эндээс татна уу

Visual studio 2005 болон түүнээс хойшхи хувилбар ашигладаг хүмүүст хэрэг болох болов гээд visual studio -ын add-in -ны жагсаалтыг орууллаа. Зарим нь үнэгүй зарим нь үнэтэй байгаа. Таны ажлыг хөнгөвчлөх add-in байгаа гэдэгт найдаж байна. 

1. ASPX Edit Helper
2. Re-Sharper
3. Power Commands
4. Reflector
5. GhostDoc
6. Visual Assist X
7. Rock Scroll
8. TestDriven.NET
9. NCover
10. AnkhSVN
11. ViEmu
12. VisualSVN
13. Theme Generator
14. Skype Add-in
15. XML Explorer
16. Resource Refactoring
17. Linq2Sql Debugger Visualizer
18. Visual Studio File Explorer
19. Visual Studio Window Manager
20. TFS PowerToys
21. Expression Tree Visualizer
22. StyleCop
23. Regions Manager
24. Regionerate
25. Code Keep
26. CR Documentor
27. DXCore Community Plugins
28. NUnit
29. CodeRush Xpress

C# програмчлалын хэл нь маш олон тооны давуу талуудтай. Ихэнх хэрэглэгчид тэдгээрийг мэддэггүй. Мэдэхгүйн улмаас энгийн хийчих зүйлийг их тойруу замаар хийдэг. Тиймээс доор миний бичих зүйлс танд хэрэг болох байх гэж найдаж байна. 

C# програмчлалын хэлний Syntax -ын онцлогууд

• ?? Объектын Null эсэхийг шалгадаг оператор. Жишээлбэл Button b;
  Button c=b ?? new Button();
• using  Энэхүү блок нь IDisposable interface -с удамшсан обьектыг ашигласаны дараа автоматаар dispose хийж санах ойгоос чөлөөлөх оператор юм. Хүн маш их код бичих байх үедээ dispose хийхээ матрчихдаг. Мэдээж .NET garbage collection -р цэвэрлэдэг ч тэр болтол програмд хэрэггүй санах ой ашигласан үй түмэн хог новш бий болно шүү дээ. Ашиглахдаа
  using (StreamWriter st = new StreamWriter())
  {
  ...
  }
• Namespace alias Зарим нэг namespace маш урт нэртэй тэр болгон хэрэглэхэд төвөгтэй байдаг энэ үед alias  хэрэглэх нь маш тохиромжтой. Жишээлбэл
  using web = System.Web.UI.WebControls;
using win = System.Windows.Forms;

win.Button btn = new Button();
  
• Verbatim string  Та жирийн string ашиглалтын үед зарим нэг онцгой тэмдэг ашиглах төвөгтэй байдгийг мэдэх байх. Хамгийн энгийн жишээл гэхэд файлын зам. filepath="c:Documents and SettingsAll UserMy Documents" энэ үед .net compiler алдаа өгнө. Хамаг учир backslash -нд л байгаа юм. Та string дотор онцгой тэмдэгтүүдийг backslash -ын тусламжтайгаар хэрэглэдэг. Тэгвэл энэ зовлонгоос ангижрахын тулд \ гэж давхар бичиглэл хийж болох ч энэ нь маш төвөгтэй байдаг учир verbatim string -г ашиглахаас өөр аргагүй. Та string -ын урд байрлах Quote "  -ын өмнө @ тэмдэг тавьчих. Ингээд л таны string verbatim болчихно. Жишээлбэл: str=@"c:doc"
  Тэр байтугай enter агуулсан string ч оруулж болно.
  str=@" first line
  second line"; энэ тохиолдолд ямар ч асуудалгүй ажиллана. Харим та ингэж асуумаар байгаа байх. Яаж " буюу Quote -ыг string -дээ оруулах вэ гэж. Энэ амархаан.
  str=" this is a ""sample""";
  Давхар quote тавьсанаар асуудлаас гарна.
  
  

Visual studio нь өөр дээрээ хийгдэх бүх үйлдлийг товчны хослолоор хийж болохоор тохируулагдсан байдаг бөгөөд хэрэв та хүсэхийн бол өөрийнхөөрөө өөрчилж болно. Гэхдээ тогтмол байдаг бөгөөд хэрэглээтэй точны хослол буюу hotkey -ыг та бүхэн хүргэе. 

• CTRL +  TAB нээсэн олон цонхнуудын хооронд шилжинэ.
• CTRL + I та код бичих байх үед гял нэг юм хайя гэвэл энэхүү товчны хослолыг хэрэглээд араас нь залгуулаад тэр үгээ бичихэд тухайн курсор байрласан газраас хойш хайлт хийж очих болно.
• CTRL + - (minus) код editor дээр курсор өмнө нь байрлаж байсан хэсэгрүү үсрэнэ. CTRL+ + (plus)  дар буцаж үсрэнэ.
• ALT+SHIFT+ENTER visual studio -ыг FullScreen болгоно. Буцаах бол дахиж дараад л ОK
• CTRL+K,CTRL+C та идэвхигүй болгохыг хүссэн кодоо select-лээд дараа энэхүү товчны хослолыг ашигласанаар коммент болгож хувиргана. Буцаахдаа CTRL+K,CTRL+U
• CTRL+]  Нуман хаалтны эхлэл дээр байвал төгсгөл дээр нь, төгсгөлд байвал эхлэл дээр нь үсрэнэ.
• CTRL+Space autocompletion -ыг гаргана. Жишээлбэл та sector гэдэг хувьсагчтай байлаа гэж бодоход sect гэж бичээд CTRL+Space дарсанаар тухайн хувьсагч бүтнээрээ бичигдэх болно.
  
• CTRL+SHIFT+V  Та ямар нэг текст COPY хийгээд дараа нь дахиад өөр text COPY хийсний дараа өмнөх нь устчихлаа гэж айх хэрэггүй. Энэхүү товчны хослолоор өмнө нь clipboard -д хадгалагдаж байсан бүх утгыг гаргаж болно.
  
• CTRL+M,CTRL+M Visual studio -н editor нь нэг гоё юм нь class, функцыг автоматаар эвхдэг явдал юм. Энэхүү товчны хослолоор эвхэгдсэн мэдээллийг задлах, мөн эвхэх үйлдлийг хийнэ. 
• CTRL+K,CTRL+D Visual studio -ын C# editor нь VB editor оо бодвол хурдан ажиллагаатай. Яагаад гэвэл засвар хийгдэж буй мөрийг л шалгаж алдаатай эсэх, эвхэх, янзлах зүйл байвал хийдэг. Гэтэл зарим үед код автоматаар янзлагдахгүй орхигдох тохиолдол гардаг. Тэр үед энэхүү товчны хослолыг ашиглаж кодоо эмхэлж цэгцэлж болно.
  
• F4 Designer дээр ажиллаж байх үед хамгийн хэрэглээтэй товч. Та аль нэг control сонгоод энэхүү товчийг хэрэглэсэнээр Property-г нь харах боломжтой. Миний хувьд бүх түүл цонхыг autohide болгоцон байдаг болохоор их ашигладаг.
• CTRL+ALT+L  Solution explorer -ыг дэлгэцэнд гаргах комманд
• CTRL+L  Editor дээр курсор байрлаж байгаа мөрийг clipboard руу CUT хийх үйлдэл. 
• CTRL+K,CTRL+K тухайн идэвхитэй мөрөн дээр bookmark тавьна.
  
• CTRL+K,CTRL+X snippet  оруулах цонхыг гаргаж ирнэ.
• TAB,TAB энэхүү товчны хослолоор та бичиж байгаа object -ын event -ын функцыг автоматаар үүсгэнэ. Жишээлбэл button1.click+=  гэж бичээд tab товчоо 2 удаа дарсанаар event -ын функц нь бичигдэх болно. Бас snippet -ын keyname -ыг нь мэдэж байвал автоматаар гаргана. Жишээлбэл: mbox гэж бичээд tab 2 дарсанаар Messagebox.Show() бичигдэнэ. foreach,for гэх мэт snippet аа та мэддэг байхад л хангалттай.
• ALT+SHIFT+F10 дарсанаар хэрэв таны бичиг буй класс аль нэг namespace -д байгаа бол түүний зарлагааг оруулах боломжтой болно. Жишээлбэл та FileInfo класс ашиглах гэж байлаа гэхэд System.IO -ыг оруулаагүй бол алдаа заана. Тэгвэл FileInfo дээр курсороо аваачаад тухайн товчны хослолыг хэрэглэж ямар namespace -д байгааг нь мэдэж болно.
• CTRL+SHIFT+Space тухайн ашиглах гэж буй функцыг тайлбар харна.
• CTRL+M,CTRL+D тухайн хувьсагч, болон классын бичиглэл дээр очно.
• CTRL+SHIFT+U сонгосон текстийг бүх үсгийг нь томоор болгоно, CTRL+U дарсанаар бүх үгийг жижгээр болгоно.

Макро бичигчдийн форумаар тэнэж яваад энэхүү макрог оллоо. Хэрэв та Warcraft DOTA тоглодог бол доорх давуу талуудыг танд бий болгоно. 

• Цэрэг болон баатарын цусыг автоматаар харагддаг болгодог.
  
• Санамсаргүй windows товч дарчхаар тоглоомоос гарчихдаг зовлонгоос ангижрана. Гэхдээ гарахыг хүсвэл баруун windows товчоо дарж болно.
  
• Inventor -дох юмаа хүссэн гарны товчоор удирдаж болдог болно.
• Баатруудын spell-ыг хүссэн товчоороо хэрэглэдэг болж болно.

Мэдээлэл технологи хөгжихийн хирээр бидний мэдэх сурах зүйл үй олон болж сүүлдээ бодохоос толгой өвдөх шиг. Гэвч хоцрохгүйн тулд судалсаар л ... 

Бидний сайн мэдэх Microsoft  ирээдүйн хөгжилрүү арагшаа ч харах завгүй зүтгэсээр. Би юу ярих гээд байна вэ гэхээр өөрийн өдөр болгон ашигладаг .NET технологийн талаар.

Хэрэв таны блогийн template нь custom-оор сонгогдсон буюу та өөрөө засварлах боломжтой сонголтыг хийсэн бол доорх кодыг weblog хуудсандаа нэмэж өгсөнөөр сүүлд бичигдсэн сэтгэгдлүүд харагдах болно.

Сайн программистууд болон экспертүүд бараг л хулгана ашигладаггүй. Яагаад гэхээр тэдэнд цаг хугацаа гэдэг маш чухал зүйл. Мэдээж хурд хүчтэй сайн компьютер дээр нь өөрийн чадвар бас сайн програм хангамж. Мэдээж тэр сайн програм хангамж тэр болгон хүн бүрт тохироод байхгүй болохоор үйлдлийн системийг өөрийнхөөрөө болгоод өөрчилчихдөг. Ингэж байж л санаснаа хийж чадна шүү дээ. Дор хаяж л хэдэн програмаа Start цэснээсээ хайгаад байхгүй ажиллуулдаг байх хэрэгтэй.
За ингээд Windows дээр хэрхэн хулгана ашиглахгүй програм ажиллуулахыг зааж өгье.